في مفاجأة قوية لعشاق شاومي ، الشركة بدأت رسميًا في طرح تحديث HyperOS 3.0 المستقر المبني على أندرويد 16 لمجموعة من هواتفها الرائدة، بعد 3 شهور من اختبار النسخة التجريبية.
التحديث الجديد وصل لهواتف Xiaomi 15، Xiaomi 15 Pro، Xiaomi 15S Pro، Xiaomi 15 Ultra، Redmi K80 Pro، وRedmi K80 Ultra.
التحديث بيحمل رقم إصدار 3.0.3.0.WOBCNXM على موبايل Xiaomi 15 Pro، وحجمه ضخم جدًا — حوالي 7.7 جيجابايت، فمحتاج تكون مجهز مساحة فاضية لا تقل عن 8 إلى 10 جيجابايت قبل التثبيت.
- Xiaomi 15: إصدار 3.0.2.0.WOCCNXM
- Xiaomi 15S Pro: إصدار 3.0.4.0.WODCNXM
- Xiaomi 15 Ultra: إصدار 3.0.2.0.WOACNXM
- Redmi K80 Pro: إصدار 3.0.2.0.WOMCNXM
- Redmi K80 Ultra: إصدار 3.0.2.0.WONCNXM
زي ما وعدت شاومي، التحديث بدأ رسميًا في 15 أكتوبر 2025 داخل الصين، وهيستمر في التوسع لباقي المناطق قريب جدًا. النسخة العالمية متوقعة توصل قبل نهاية الشهر أو في بداية نوفمبر.
مميزات تحديث HyperOS 3 الجديد
- واجهة جديدة كليًا بتصميم مرن وسلس.
- ميزة Super Island اللي بتشبه Dynamic Island في آيفون.
- خلفيات سينمائية متحركة لشاشة القفل.
- أنيميشن جديدة أكثر سلاسة.
- تحسينات في الأداء والأمان وتحديثات أمان شهرية جديدة.
لو موبايلك من الأجهزة دي، تقدر تشوف التحديث الجديد بنفسك من خلال:
الإعدادات > حول الهاتف > تحديث النظام (أو اضغط على شعار HyperOS) ثم اضغط “التحقق من وجود تحديث”.
⚠️ قبل ما تحدث، اعمل نسخة احتياطية من بياناتك واشحن الموبايل على الأقل لـ 50٪.
