شركة ريلمي بدأت رسميًا برنامج الوصول المبكر لتحديث Realme UI 7 المبني على Android 16 لمجموعة جديدة من الموبايلات، وده حسب اللي أعلنته الشركة على المنتدى الرسمي ليها. ولو عندك Realme GT 7 أو GT 7T أو GT 7 Dream Edition، تقدر تنضم للبرنامج وتجرّب التحديث قبل ما ينزل للجميع. خبر حلو لمتابعين موقع mobeai لأن ده معناه إن التحديث قرب جدًا يوصل للمستخدمين حول العالم.
الموديلات المؤهلة لتجربة Realme UI 7 (Android 16)
علشان تقدر تشارك في النسخة التجريبية لازم يكون الجهاز على إصدار معين من السوفت وير:
- Realme GT 7: RMX5061_15.0.1.813
- Realme GT 7 Dream Edition: RMX5061_15.0.1.813
- Realme GT 7T: RMX5085_15.0.0.1102
ولو جهازك على إصدار أقدم، ادخل على الإعدادات > تحديثات النظام وخليه على آخر إصدار.
موعد بدء وصول النسخة التجريبية
ريلمي فتحت التسجيل من يوم 3 نوفمبر، وعدد الأماكن المتاحة في المرحلة دي هو 2000 مستخدم فقط لكل الأجهزة المذكورة.
وبداية إرسال النسخة التجريبية هتكون يوم 4 نوفمبر الساعة 12:00 ظهرًا، وده هيتم على دفعات.
أبرز مميزات تحديث Realme UI 7 (Android 16)
التحديث الجديد بيقدم تغييرات قوية، ودي أهم الحاجات اللي المستخدمين هياخدوها:
- تصميم جديد بالكامل للواجهة
- ش Animations أسرع وأخف بفضل تقنية Trinity Engine
- تحسينات قوية في الأداء والثبات
- تقليل استهلاك الطاقة
- إصلاحات لمشاكل كانت موجودة في النظام السابق
باختصار، تجربة أسرع وأحسن، وده متوقع من تحديث Android 16 الجديد.
طريقة الاشتراك في البرنامج التجريبي (Android 16)
اتبع الخطوات دي:
- افتح الإعدادات
- About device / حول الجهاز
- اضغط على إصدار Realme UI 7 اللي فوق
- اضغط 7 مرات على رقم الإصدار علشان تفعيل وضع المطور
- ارجع واضغط على الثلاث نقاط فوق
- Beta Program / البرنامج التجريبي
- Early Access / الوصول المبكر
- Apply Now / قدم الآن
املأ البيانات، واستنى وصول النسخة على جهازك.
نصيحة مهمة قبل التحديث
لو جهازك الأساسي، الأفضل ماتنزلوش النسخة دي، لأنها تجريبية وممكن يكون فيها أخطاء. اعمل نسخة احتياطية لكل ملفاتك قبل التحديث.
تابع موقع mobeai علشان نتابع معاك وصول النسخة المستقرة رسميًا قريب جدًا.
