أعلنت شركة Infinix عن هاتفها الجديد Infinix GT 30 رسميًا في السوق الهندي، بعد فترة من التشويق. الهاتف بيجي بتصميم جريء جدًا يُعرف باسم “Cyber Mecha”، وبيحتوي على إضاءة LED بيضاء في الظهر قابلة للتخصيص، وده بيخليه مميز جدًا في الشكل، خصوصًا لمحبي الألعاب.
الهاتف مش بس شكله مختلف، لكنه كمان بيقدم مواصفات قوية جدًا في فئته السعرية، وبيستهدف بشكل مباشر عشاق الجيمنج والمستخدمين اللي بيدوروا على تجربة أداء عالية بدون ما يدفعوا رقم كبير.
مواصفات Infinix GT 30 :-
- شاشة كبيرة 6.78 بوصة من نوع AMOLED بدقة عالية (1224p)، ومعدل تحديث سريع 144Hz
- سطوع قوي جدًا 4500 شمعة
- زجاج حماية Gorilla Glass 7i مع مستشعر بصمة مدمج في الشاشة
- كاميرا خلفية مزدوجة: رئيسية 64 ميجا بيكسل من سوني (IMX682) + كاميرا واسعة 8 ميجا بيكسل
- كاميرا سيلفي بدقة 13 ميجا بيكسل
- معالج MediaTek Dimensity 7400 بدقة تصنيع 4 نانومتر
- رام 8 جيجا LPDDR5X مع مساحة تخزين لحد 256 جيجا UFS 2.2
- نظام Android 15 مع واجهة Infinix XOS 15
- تحديثات Android لمدة سنتين + تحديثات أمان 3 سنين
- أزرار لعب جانبية وتجربة 90FPS في BGMI
- نظام تبريد بـ6 طبقات
- بطارية ضخمة 5500 مللي أمبير مع شحن سريع 45 وات
- مقاومة للماء والغبار بمعيار IP64
- الوزن: 187 جرام
- الألوان الأزرق ، الأخضر ، الأبيض
تم تسعير هاتف Infinix GT 30 هيتوفر للبيع رسميًا في الهند يوم 14 أغسطس 2025، والأسعار كالتالي:
- نسخة 8 جيجا رام + 128 جيجا: حوالي 222 دولار (ما يعادل 11,000 جنيه مصري)
- نسخة 8 جيجا رام + 256 جيجا: حوالي 240 دولار (ما يعادل 12,000 جنيه مصري)
لو بتدور على هاتف موجه للجيمرز بسعر مناسب، بشاشة سريعة، معالج قوي، تصميم مختلف، وإضاءة LED مميزة، فـ Infinix GT 30 هو اختيار ممتاز.
الهاتف بيجمع بين الشكل العصري والمواصفات القوية، وكمان بيوفر تجربة لعب محترمة جدًا في الفئة المتوسطة. وبيقدم أداء قوي جدًا في ألعاب زي PUBG أو BGMI.
