بدأت شاومي رسميًا في طرح تحديث HyperOS 3 المستقر لهواتفها بره الصين خلال الأسابيع اللي فاتت. ومع بداية الموجة الجديدة من التحديثات، بقى Poco X7 Pro واحد من أوائل الموبايلات اللي وصلّها التحديث داخل أوروبا، ومفروض خلال وقت قريب يوصل لباقي المناطق عالميًا.
التحديث الجديد قائم على Android 16 وبيوصل للموبايل برقم إصدار OS3.0.2.0.WOJEUXM. وبما إنه تحديث ضخم، حجمه تقريبًا 6 جيجابايت، فالأفضل تحمّله على شبكة Wi-Fi.
ده أول تحديث رئيسي للموبايل، وبيقدّم تغييرات كبيرة وواضحة. ورغم إن Android 16 نفسه مش عامل قفزة ضخمة، لكن اللي فارق فعلًا هو HyperOS 3 اللي جاي بمزايا وتحسينات كتير، أهمها:
- أنيميشن أنعم وأسرع بفرق واضح.
- كنترول سنتر الجديد.
- أيقونات وشكل واجهة مُحدّث بالكامل.
- ميزة Xiaomi Hyperland (بديل ديناميك آيلاند).
- ميزة Touch to Share.
- تخصيصات أكتر لشاشة القفل.
- أداء أقوى واستجابة أسرع.
- تحسينات في السلاسة وتجربة الاستخدام عمومًا.
المعلومة اتأكدت عن طريق TECH__MUKUL اللي شارك كمان لقطة شاشة بيظهر فيها جزء من سجل التحديث وحجم باكيدج التحميل.
ولو أنت معاك Poco X7 Pro وعايش في أوروبا، المفروض التحديث يوصلك خلال فترة قصيرة لو لسه ما وصلش. وطبقًا لسياسة شاومي، التحديث بينزل على مراحل، وبالتالي ممكن ياخد كام أسبوع لحد ما يوصل لكل المستخدمين.
ولما يوصلك التحديث، يفضّل:
- تتأكد إن الموبايل محدث لآخر إصدار.
- تعمل Backup كامل قبل ما تبدأ التحديث.
- تراجع التحديث يدويًا من:
Settings > About Device > System Update
